උණුසුම් පුවත්දේශීය

ඊයේ (04) දිනයේ කොවිඩ් -19 ආසාදිතයින් 521ක්

මෙරට කොරෝනා ආසාදිතයින්

ඊයේ (04) දිනයේ කොවිඩ් -19 ආසාදිතයින් 521 දෙනෙකු අලුතින් හඳුනාගත් අතර ඉන් 517 දෙනෙකු වාර්තා වී තිබුණේ මෙරට තුළින් හඳුනාගත් ආසාදිතයින් ලෙසය. තවත් 03 දෙනෙකු විදේශගතව සිට මෙරටට පැමිණි ශ්‍රී ලාංකිකයන් ය. අනෙක් පුද්ගලයා විදේශගතව සිට මෙරටට පැමිණි විදේශිකයෙකි.

ඒ අනුව මෙරට සමස්ත කොවිඩ් -19 ආසාදිතයින් සංඛ්‍යාව 26,559 දෙනෙකු දක්වා ඉහළ ගොස් තිබේ.

මේ අතර ඊයේ හඳුනාගත් කොවිඩ් ආසාදිතයින් අතරින් වැඩිම පිරිසක් වාර්තා වී තිබුණේ කොළඹ දිස්ත්‍රික්කයෙනි. එම සංඛ්‍යාව 342කි.

මහනුවර දිස්ත්‍රික්කයෙන් ආසාදිතයින් 91 දෙනෙකු සහ කළුතර දිස්ත්‍රික්කයෙන් ආසාදිතයින් 44 දෙනෙකු වාර්තා වී තිබුණි.

කෙසේවෙතත්, මෙරට සමස්ත කොවිඩ් -19 ආසාදිතයින්ගෙන් 19,438 දෙනෙකු මේ වනවිට පූර්ණ සුවය ලබා රෝහල්වලින් පිටව ගොස් ඇති අතර ආසාදිතයින් 6,991 දෙනෙකු තවදුරටත් රෝහල් සහ කොවිඩ් -19 ප්‍රතිකාර මධ්‍යස්ථාන තුළ නේවාසිකව ප්‍රතිකාර ලබමින් සිටි.

මෙරටදී සිදුවී ඇති කොවිඩ් -19 ආසාදිත සමස්ත මරණ සංඛ්‍යාව 130ක් දක්වා ඉහළ ගොස් තිබේ.