උණුසුම් පුවත්දේශීය

ඊයේ (07) දින කොවිඩ් ආසාදිතයින් 532ක්‍

මෙරට කොරෝනා ආසාදිතයින්

ඊයේ (07) දිනයේ දී වාර්තා වු ආසාදිතයින් 532 අතරින් වැඩිම පිරිසක් කොළඹ දිස්ත්‍රික්කයෙන් හමුවී තිබේ. ඒ ආසාදිතයින් 226ක් ලෙසය.

මහනුවර දිස්ත්‍රික්කයෙන් ආසාදිතයින් 72ක්, ගම්පහ දිස්ත්‍රික්කයෙන් 50ක්, ගාල්ල දිස්ත්‍රික්කයෙන් 46ක් හා කළුතර දිස්ත්‍රික්කයෙන් 31 වාර්තා වී තිබේ.

ඊයේ වාර්තා වු ආසාදිතයින් අතර බන්ධනාගාර රැඳවුවන් 93 දෙනෙකු ද වන බව බන්ධනාගාර දෙපාර්තමේන්තුව පැවසුවේය.

මහනුවර ආසාදිතයින් අතරින් 33ක් බෝගම්බර බන්ධනාගාරයෙන් ද, ගම්පහ ආසාදිතයින්ගෙන් 13 මීගමුව බන්ධනාගාරයෙන් ද, ගාල්ලේ ආසාදිතයින්ගෙන් 39ක් ගාල්ල බන්ධනාගාරයෙන් ද වාර්තා වු බව කොවිඩ් -19 පැතිරීම වැළැක්වීම පිළිබඳ ජාතික ක්‍රියාන්විත මධ්‍යස්ථානය සඳහන් කරයි.

ඊයේ දිනයේ සෙසු ආසාදිතයින් මඩකලපුවෙන් 16ක්‍, කෑගල්ල 16ක්, මාතරින් 15ක්, අම්පාර 14ක්, කුරුණෑගල 12ක්, රත්නපුරයෙන් 8ක්, යාපනයෙන් 8ක්, මාතලේ 5ක්, අනුරාධපුරයෙන් 3ක්, නුවරඑළිය දෙකක් හා යාපනයෙන් එක් ආසාදිතයෙක් හමුවී තිබේ.

ඒ අනුව සමස්ත කොවිඩ් නයින්ටීන් ආසාදිතයින් ගණන 46,780 දෙනෙකු වන අතර ඉන් සුවය ලැබු සමස්ත සංඛ්‍යාව 39,661 දෙනෙකු බව වසංගත රෝග විද්‍යා අංශ සඳහන් කළේය.

කොවිඩ් නයින්ටීන් ආසාදිතයින් 6,900 දෙනෙකු තවදුරටත් රෝහල් ගතව ප්‍රතිකාර ලබයි.

මෙරටදී සිදුවී ඇති සමස්ත කොවිඩ් -19 මරණ සංඛ්‍යාව 222ක් දක්වා ඉහළ ගොස් තිබේ.

Comment here