උණුසුම් පුවත්දේශීය

කොස්ගම, සාලාව රෝහලෙන් පැනගිය ආසාදිතයා

අද (23) අලුයම කොස්ගම, සාලාව රෝහලේ ප්‍රතිකාර ලබමින් සිටි කොවිඩ් රෝගියෙකු එම රෝහලෙන් පැනගොස් තිබේ.

මෙම පුද්ගලයා පිළිබඳ තොරතුරක් දන්නේ නම් ළඟම ඇති පොලිස් ස්ථානයට හෝ 119 පොලිස් හදිසි ඇමතුම් අංකයට දැනුම්දෙන ලෙස නියෝජ්‍ය පොලිස්පති අජිත් රෝහණ මහතා පැවසීය.

ඔහු සේදවත්ත වැල්ලම්පිටිය ප්‍රදේශයේ පදිංචිකරුවෙක් බව කොවිඩ් 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

කෙසේ වෙතත් එම ආසාදිතයා සොයා මේ වන විට වැල්ලම්පිටිය ප්‍රදේශයේ සෝදිසි මෙහෙයුමක් ද ආරම්භ කර ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා කියා සිටියේය.