උණුසුම් පුවත්දේශීය

කොළඹ මහනගර සභා සීමාව කොවිඩ් අධි අවදානම් තත්ත්වයක

කොළඹ මහනගර සභා සීමාව කොවිඩ් අධි අවදානම් තත්ත්වයකට පත්ව ඇතැයි වසංගත රෝග විද්‍යා අංශයේ, ප්‍රධාන වසංගත රෝග විද්‍යාඥ වෛද්‍ය සුදත් සමරවීර මහතා පවසයි.

මේ පිළිබඳ වැඩිදුරටත් අදහස් දැක්වු වෛද්‍ය සුදත් සමරවීර මහතා,

“අපි මේ මොහොත වන විට යම්කිසි මට්ටමකට පාලනය කර තිබුණත් කොළඹ මහනගර සභා සීමාව, එතනින් ඔබ්බට ගිහින් බස්නාහිර පළාතත් යම්කිසි විදියකින් තවතමත් අධික අවදානම් තත්ත්වයක පවතිනවා. සමාජය තුළින් රෝගීන් වාර්තා වෙනවා වගේම, විවිධ ආයතන තුළින් රෝගීන් වාර්තා වීම යම්කිසි ආකාරයකින් මේ පාලනය සඳහා වැඩි අවදානයක් යොමුකිරීමට සිදුවන ස්ථාන වෙනවා. “

මේ අතර රජයේ වෛද්‍ය නිලධාරින්ගේ සංගමයේ ලේකම් වෛද්‍ය ශෙනාල් ප්‍රනාන්දු මහතා ප්‍රකාශ කළේ, වෛරසය වෙනත් දිස්ත්‍රික්ක වෙත පැතිරීම කොළඹ දිස්ත්‍රික්කයෙන් අවසන් කරගතයුතු බවය.

මේ අතර ඊයේ දිනයේදී හඳුනාගත් කොවිඩ් රෝගීන් අතරින් වැඩිම ආසාදිතයන් වාර්තාවී තිබුණේ කොළඹ දිස්ත්‍රික්කයෙන්. එම සංඛ්‍යාව 231 කි.