උණුසුම් පුවත්

පැනගිය කොවිඩ් ආසාදිත රැඳවියෙක් හමුවේ

Covid Prision

පොළොන්නරුව, ගල්ලෑල්ල කොවිඩ් ප්‍රතිකාර මධ්‍යස්ථානයේ ප්‍රතිකාර ලබමින් සිට පළාගිය එක් රැඳවියෙක් පොලීසිය විසින් සොයා ගෙන තිබේ.

හලාවත, දෙමටපිටිය ප්‍රදේශයේ දී එම ආසාදිත රැඳවියා සොයාගත් බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසයි.

22 හැවිරිදි වෙන්නප්පුව ප්‍රදේශයේ පදිංචිකරුවෙක් වන එම ආසාදිත රැඳවියා හිතවතෙකුගේ නිවසේ සිටිය දී පොලීසිය විසින් සොයා ගෙන ඇත.

මේ වන විට ආසාදිත රැඳවියා සිටි නිවසේ පුද්ගලයා නිරෝධායනයට යොමුකර තිබේ.

අද අලුයම ගල්ලෑල්ල කොවිඩ් ප්‍රතිකාර මධ්‍යස්ථානයේ ප්‍රතිකාර ලබමින් සිටි රැඳවියන් පස් දෙනෙක් පළා ගොස් තිබිණි.

එම රැඳවියන් මීගමුව බන්ධනාගාරයේ සිට කොවිඩ් ආසාදනය වීම හේතුවෙන් එම ප්‍රතිකාර මධ්‍යස්ථානය වෙත රැගෙන විත් සිටි අයයි.